Landeldisbændur

Búgreinadeild landeldis innan Bændasamtaka Íslands var stofnuð árið 2022. Hlutverk hennar er að vera vettvangur landeldisbænda til að vinna að sameiginlegum hagsmunum greinarinnar og efla faglegt samstarf. Starf deildarinnar felur meðal annars í sér hagsmunagæslu og faglegt samráð við stjórnvöld, miðlun þekkingar og upplýsinga, mótun sameiginlegra áherslna og stuðning við nýsköpun.

Uppbygging landeldis á Íslandi hefur verið hröð og spár gera ráð fyrir verulegum vexti á næstu árum.  Framleiðslan fer fram í lokuðum, stýrðum kerfum sem stuðla að gæðum, rekjanleika og ábyrgri auðlindanýtingu. Aðild að deildinni eiga sex fyrirtæki: Aurora Fiskeldi, First Water, Geo Salmo, Laxey, Thor Fiskeldi og Samherji Fiskeldi.