Grunnupplýsingar um nautgriparækt á Íslandi

– uppfært 27. mars 2024 –

Verðlagsnefnd búvara tók ákvörðun þann 20. desember 2023 um hækkun lágmarksverðs mjólkur til bænda og heildsöluverðs mjólkur og mjólkurafurða sem nefndin verðleggur. Heildsöluverð á mjólk og mjólkurvörum hækkar um sem nemur kostnaðarhækkun vegna hráefniskaupa og hækkun vinnslu- og dreifingarkostnaðar.

Eftirfarandi verðbreytingar tóku gildi þann 1. janúar 2024:

• Lágmarksverð 1.fl. mjólkur til bænda hækkar um 2,25% úr 129,76 kr./ltr í 132,68 kr./ltr.

Eftirfarandi verðbreytingar tóku gildi þann 8. janúar 2024:

• Heildsöluverð mjólkur og mjólkurvara sem nefndin verðleggur hækkar um 1,60%.

Hækkun lágmarksverðs mjólkur til bænda er til komin vegna kostnaðarhækkana við framleiðslu mjólkur frá síðustu verðákvörðun sem byggði á verðlagi í september og tók gildi í október 2023. Frá síðustu verðákvörðun hafa gjaldaliðir í verðlagsgrundvelli kúabús hækkað um 2,25%. Heildsöluverð á mjólk og mjólkurvörum hækkar um sem nemur kostnaðarhækkun vegna hráefniskaupa og hækkun vinnslu- og dreifingarkostnaðar.

Beingreiðslur fyrir mjólk innan greiðslumarks á verðlagsárinu 2024 eru áætlaðar alls 2.680 m.kr. og fyrir alla innvegna mjólk 3.145 m.kr.

Gripagreiðslur mjólkurkúa eru áætlaðar 1.853 m.kr. árið 2024.
Gripagreiðslur holdakúa eru áætlaðar 327 m.kr. árið 2024.

Heildargreiðslumark verðlagsársins 2024 er 151.500.000 lítrar og skiptist það á milli u.þ.b. 500 greiðslumarkshafa. Þegar LK var stofnað 4. apríl árið 1986 voru mjólkurframleiðendur 1.822.

Samtök afurðastöðva í mjólkuriðnaði gera tillögu að greiðslumarki í samræmi við þróun á sölu mjólkurafurða undanfarna 12 mánuði, söluhorfur á næsta verðlagsári, þróun á birgðastöðu og þróun á efnainnihaldi innleggsmjólkur. Ákvæði um ákvörðun greiðslumarksins er að finna í 52. gr. búvörulaga nr. 99/1993.

Greiðslumark hvers árs er ákveðið með reglugerð sem sett er af sjávarútvegs- og landbúnaðaráðherra, síðar Matvælaráðherra. Reglugerð 2024 er að finna hér.

Samning um starfsskilyrði nautgriparæktarinnar frá 2019 má finna hér.
Samning um starfsskilyrði nautgriparæktarinnar frá 2016 má finna hér.

Reglugerð um stuðning í nautgriparækt nr. 348/2022 er að finna hér.

Reglugerð um velferð nautgripa, nr. 1065/2014 er að finna hér.
Í mars 2022 var breytingarreglugerð nr. 379/2022 á reglugerð um velferð nautgripa undirrituð.

Hér er að finna mánaðarlegar niðurstöður afurðaskýrsluhalds RML.

Hér er að finna upplýsingar um verðlagsnefnd búvara, fundargerðir og verðlagsgrundvöll kúabús.

Hér er að finna upplýsingar um framkvæmdanefnd búvörusamninga og fundargerðir nefndarinnar.  

Hugmyndir að fleiri efnisatriðum á þessari síðu má senda á gudrunbjorg@bondi.is