Franski afurðafélagið Lactalis, sem er næst stærsta afurðafélag í heimi og í einkaeigu einnar fjölskyldu, er ekki sérlega hrifið af því að innleggjendur þess gagnrýni fyrirtækið. Á það reyndi nú í janúar þegar Lactalis rifti samningi við fimm kúabændur fyrir það að þeir höfðu gagnrýnt afurðastöðvaverð fyrirtækisins opinberlega og sagt verðið vera of lágt.

Í umfjöllun sjónvarps í Frakklandi um afurðastöðvaverð Lactalis komu fram fullyrðingar þessara fimm bænda um slæman hag innleggjenda hjá fyrirtækinu en á sama tíma voru sýndar myndir af glæsilegum húsakynnum forstjóra Lactalis. Þetta þótti vera afar neikvætt fyrir fyrirtækið og ímynd þess og þess vegna var samningum við bændurna rift, en í samninginum á milli framleiðanda og Lactalis er sérstaklega kveðið á um að á innleggjandanum hvíli sú skylda að vernda í hvívetna orðspor fyrirtækisins . Þetta hafi bændurnir ekki gert og því hafi þeir sjálfir í raun rift samingum sínum/SS.