Íslensku jólasveinarnir, sem skreyta umbúðir mjólkur um þessar mundir, hafa fengið mjög góðar móttökur hérlendis og eru þeir bræður kærkomnir inn á íslensk heimili. Nú bregður hinsvegar svo við að þessar fallegu umbúðir hafa einnig vakið athygli erlendis og í frétt í danska bændablaðinu (Landbrugsavisen) í gær var fjallað um umbúðirnar og „de tretten nisser, deres forældre og julekatten“ eins og segir í fréttinni

(jólasveinana þrettán, foreldra þeirra og jólaköttinn). Umfjöllun sem þessi er ákaflega jákvæð fyrir íslenskan mjólkuriðnað, enda heyrir það til tíðinda þegar Danir, sem standa einna fremstir í mjólkurframleiðslu í Evrópu, líta til Íslands í leit að framsæknum nýjungum við markaðssetningu á drykkjarmjólk!