Fyrsti haustfundur Landssambands kúabænda verður haldinn í Þingborg í Flóa mánudaginn 22. október kl. 20.30. Sérstakur gestur fundarins verður Einar Kristinn Guðfinnsson, ráðherra landbúnaðarmála.

 

Daginn eftir, þriðjudaginn 23. október er fundur að Heimalandi undir Eyjafjöllum kl. 13.30 og Geirlandi í V-Skaftafellssýslu kl. 20.30. Miðvikudaginn 24. október  verður fundur á Seljavöllum í A-Skaftafellssýslu kl. 13. og í Gistihúsinu á Egilsstöðum kl. 20.30. Fimmtudaginn 25. október verður síðan fundur að Staðarholti í Vopnafirði kl. 13.  

 

Framsögumenn á fundunum verða Þórólfur Sveinsson, formaður og Baldur Helgi Benjamínsson framkvæmdastjóri LK. Helstu efnisatriði fundanna verða eftirfarandi:

 

• Framleiðsla og sala mjólkur og nautakjöts á síðasta verðlagsári.
• Verðlags og kjaramál og nokkur brýn hagsmunamál greinarinnar, s.s. útfærsla mjólkursamnings (minna framleiðslutengdur/markaðstruflandi stuðningur) og takmarkanir á flutningi nautgripa milli sk. varnarhólfa.
• Kynning á greinargerðum sem unnar hafa verið að beiðni starfshóps sem skipaður var af stjórn LK í kjölfar aðalfundar 2006. M.a. kynnt greinargerð LBHÍ um rekstrarhagkvæmni mjólkurframleiðslu nokkurra kúakynja, skoðanakannanir og rýnihópar Gallup um viðhorf neytenda og greinargerð frá SAM.
• Framgangur ályktana frá aðalfundi Landssambands kúabænda 2007.

Nautgripabændur er hvattir til að fjölmenna!