Í kvöld, kl. 20:30 í Þingborg í Flóa, verður haldinn fyrsti af fjórtán haustfundum LK þetta haustið. Á fundunum munu forsvarsmenn LK fara yfir stöðu helstu mála s.s. um framleiðslu, sölu og afkomumál, stöðu búvörusamninganna og fyrirhugaðar breytingar á búvörulögunum, greiðslumark mjólkur árið 2011 og skiptingu b- og c-greiðslna, endurskoðun búnaðargjalds,stöðu aðlögunarferlisins að Evrópusambandinu, kvótamarkaðinn auk þess sem farið verður yfir stefnumörkun LK. Sérstakur gestur fundarins í kvöld er Jón Bjarnason, Sjávarútvegs- og landbúnaðarráðherra.

 

Aðrir fundarstaðir haustfunda LK 2010 eru:

 

Mánudaginn 18. október verða haldnir fjórir fundir:

– Hlíðarbæ í Eyjafirði kl. 12.00

– Hótel Höfðabrekku í Mýrdal kl. 13.00

– Breiðumýri í S-Þingeyjasýslu kl. 20.30

– Seljavöllum í A-Skaftafellssýslu kl. 20.30

 

Þriðjudaginn 19. október verða haldnir fjórir fundir:

– Gistihúsinu á Egilsstöðum kl. 12.00

– Mælifelli, Sauðárkróki kl. 13.00

– Sjálfstæðishúsinu Blönduósi kl. 20.30

– Kaupvangi í Vopnafirði kl. 20.30

 

Miðvikudaginn 20. október verða haldnir tveir fundir:

– Friðarsetrinu Holti í Önundarfirði kl. 12.00

– Ásbyrgi í V-Húnavatnssýslu kl. 13.00

 

Fimmtudaginn 21. október verða haldnir þrír fundir:

– Hótel Hamri við Borgarnes kl. 13.00

– MS Búðardal kl. 13.00 og

– í Kaffi Kjós kl. 20.30

 

Kúabændur eru hvattir til að fjölmenna, auk allra annarra sem áhuga hafa á íslenskri nautgriprækt.