Nú styttist í að Veffræðsla LK hefji göngu sína á ný eftir gott sumarfrí. Þetta er fjórða starfsár fræðslustarfsins og eru framundan 14 áhugaverðir fyrirlestrar á komandi mánuðum. Efnistök eru að vanda fjölbreytt en fjallað er um gerð kynbótaáætlunar, dýravelferð, frjósemi, starfsemi LK, stærðarhagkvæmni kúabúa, tækifæri sem felst í fjölbreyttni, fóður og efnainnihald mjólkur, hönnun velferðaraðstöðu í fjósum, sáningartækni og illgresisvarnir, kosti og galla ólíkra grastegunda, framleiðslu nautakjöts með hjarðeldi og fjármögnun kúabúa.

Eins og sjá má hér að ofan er víða komið við en val á fyrirlestrum byggir meðal annars á niðurstöðum könnunar sem gerð var meðal þátttakenda í Veffræðslu LK en þeir eru í dag rúmlega 330. Nánar má kynna sér dagskrá Veffræðslu LK með því að smella hér, en fyrsti fyrirlesturinn fer svo í loftið eftir rétt rúmar tvær vikur er kynbótafræðingurinn og ráðunauturinn Elin

Nolsøe Grethardsdóttir fjallar um gerð kynbótaáætlunar/SS.