Í febrúar varð samdráttur í sölu á öllum kjöttegundum nema nautakjöti, sala þess jókst um 12,2% m.v. sama mánuð í fyrra. Í töflunni hér að neðan má sjá sölu einstakra kjöttegunda í febrúarmánuði, undanfarinn ársfjórðung og sl. 12 mánuði. Framleiðsla á nautakjöti í liðnum mánuði var 312 tonn og salan 313 tonn.

Það er e.t.v. óvarlegt að draga stórar ályktanir af sölu í einstökum mánuðum. Í ljósi þess að virkir dagar í febrúar voru færri í ár en í fyrra, munar t.d. um einn föstudag sem jafnan eru stórir söludagar í kjöti, þá er þó freistandi að draga þá ályktun að auglýsingaátak LK á nautakjöti hafi skilað bærilegum árangri.

 

Sala á kjöti í febrúar 2009                                                                            

Kjöttegund	Sala í febrúar 2009, kg	Ársfj., des 08-feb 09, kg	Sl. 12 mán, mar 08-feb 09, kg	Breyt., feb 09 m.v. feb 08	Breyt. ársfj.	Breyt., sl. 12 mán.	Hlutdeild
Alifuglar	558.863	1.593.583	7.161.151	-11,7%	-15,7%	-6,4%	28,6%
Hross	64.967	228.630	690.989	-0,9%	29,5%	5,1%	2,8%
Nautgripir	313.132	898.114	3.624.425	12,2%	3,6%	0,9%	14,5%
Sauðfé	453.537	1.345.120	6.938.128	-24,2%	-24,8%	-0,7%	27,7%
Svín	499.772	1.556.820	6.665.863	-1,4%	5,4%	9,6%	26,6%
Samtals	1.890.271	5.622.267	25.080.556	-9,3%	-9,3%	0,4%	100,0%