Á nýafstöðnum kvótamarkaði í Danmörku keyptu 560 danskir kúabændur kvóta fyrir rúma 4,3 milljarða af 390 seljendum. Kaupendurnir geta því aukið framleiðsluna frá og með 1. október n.k. Þrátt fyrir að dagar kvótakerfisins í ESB verði taldir frá og með 1. apríl árið 2015, var verðið á ágústmarkaðnum það hæsta hingað til, 4,62-4,66 DKK eða 56,60 ISK. Landskvóti Danmerkur er 4,5 milljarðar kg sem skiptist milli framleiðenda, hver sá sem framleiðir meira en 4% framyfir kvóta búsins þarf að greiða sekt, sk. „superafgift“ sem svarar 115% af mjólkurverði, semsagt mjólkurverðið allt og 15% betur. Kvótalaus bú í framleiðslu eru því með öllu óþekkt á þeim slóðum.

Þegar kvótakerfið í ESB var innleitt árið 1984 voru mjólkurframleiðendur í Danmörku 32.679. Þegar yfirstandandi kvótaári lýkur þann 1. apríl n.k. verður fjöldi framleiðenda kominn niður í u.þ.b. 4.500.

 

Heimild: JydskeVestkysten