Markaðsmál nautgriparæktarinnar

Eitt af aðalverkefnum Landssambands kúabænda er að sinna markaðsmálum afurðanna og situr t.d. einn fulltrúi LK í sk. fræðslu- og markaðsnefnd mjólkuriðnaðarins. Í kjölfar skipulagsbreytinga í mjólkuriðnaði hefur FMMI orðið ábyrg fyrir starfseminni gagnvart Samtökum afurðastöðva í mjólkuriðnaði. Í nefndina skulu tilnefndir 4 fulltrúar, þ.a. einn frá Landssambandi kúabænda. Helsta verkefni FMMI er kynningarstarfsemi sem byggir undir jákvæð langtímaviðhorf gagnvart mjólkurvörum.

Hvað snertir nautgripakjöt, sér LK um niðurgreiðslur á auglýsingum til þeirra sem auglýsa nautgripakjöt til sölu, auk þess að styrkja sérstaklega þróunarvinnu með nýjungar í nautakjöti. Þá heldur LK úti sérstöku svæði fyrir uppskriftir og ýmis heilræði varðandi eldun á nautakjöti hér á forsíðu naut.is.

SMELLTU HÉR FYRIR NÁNARI UPPLÝSINGAR UM MJÓLKURFRAMLEIÐSLUNA

Nánari upplýsingar um nautakjötsframleiðsluna

Nýtt matskerfi fyrir nautgripakjöt, EUROP-mat, hefur verið tekið upp með breytingu á reglugerð nr. 882/2010 um gæðamat, flokkun og merkingu sláturafurða. Breytingin tók gildi 1. júlí 2017.

Smelltu hér fyrir nánari upplýsingar um EUROP-matið

GILDANDI VERÐSKRÁR SLÁTURLEYFISHAFA

Undir þessum hlekk er hægt að nálgast samanburð á verðum fyrir hvern flokk, verðfellingu eftir fituflokkun og ýmsar aðrar upplýsinga um sláturleyfishafa. *Uppfært 8. desember 2021