Úthlutað var úr Samfélagssjóði Landsbankans í vikunni þar sem verkefnið Andleg heilsa bænda fékk 500 þúsund króna styrk til að hlúa að andlegri heilsu fólks í bændastéttinni. Guðrún Birna Brynjarsdóttir og Stella Björk Helgadóttir, veittu styrknum viðtöku fyrir hönd BÍ.

Samfélagsstyrkjum Landsbankans er ætlað að styðja mannúðar- og líknarmál, menntamál, rannsóknir og vísindi, forvarnar- og æskulýðsstarf, umhverfismál og verkefni á sviðum menningar og lista. Samfélagsstyrkjum að upphæð 15 milljónum króna var úthlutað í vikunni en alls hlutu 32 fjölbreytt verkefni styrki að þessu sinni. Dómnefnd var skipuð þeim Sverri Jakobssyni, prófessor við Háskóla Íslands, Felix Bergssyni, leikara og Guðrúnu Agnarsdóttur, lækni, en hún var jafnframt formaður dómnefndar.