Verðlíkan LK á nautakjöti hefur nú verið uppfært að teknu tilliti til breyttra vaxta, flokkunar og framleiðslu á árinu 2009. Þá hafa tveir sláturleyfishafar nýverið tekið upp gjaldtöku fyrir flutninga á gripum í sláturhús, SAH afurðir og Norðlenska. Innheimta þá allir sláturleyfishafar fyrir flutning, utan B Jensen, til þess fyrirtækis sjá bændur sjálfir um flutning. Þá hefur UN 1 M+ verið felldur út úr verðlíkaninu vegna þess hve lítið fer í þann flokk. Í töflunni hér að neðan er að finna yfirlit yfir framleiðslu í einstökum yfirflokkum nautgripakjöts á sl. ári. Þar má sjá að talsverðar breytingar hafa orðið á flokkuninni milli ára.

Um 15% færri gripir fara í UN úrval og tæplega 6% færri gripir í K1U, þrátt fyrir talsverða aukningu í slátrun ungnauta. Að mati LK rennir þetta enn frekari stoðum undir þá kenningu að flokkun gripa fari að talsverðu leyti eftir markaðsaðstæðum. Þá skal ítrekaður sá ágalli kjötmatsins, að 86% ungnauta falla í sama holdfyllingarflokkinn, UN 1. 

 

		Stykkjafjöldi			Framleiðsla í kg			Meðalþungi kg
Flokkur	2008	2009	Breyting	2008	2009	Breyting	2008	2009	Breyting
UK	3.465	3.354	-0,3%	66.213	65.309	-1,4%	19,1	18,9	-1,1%
AK	84	74	-11,9%	6.019	5.013	-16,7%	71,7	67,7	-5,5%
UN úrval	1.071	909	-15,1%	296.885	254.901	-14,1%	277,2	280,4	1,2%
UN 1	7.702	8.174	6,1%	1.744.225	1.884.702	8,1%	226,5	230,6	1,8%
UN 2	402	412	2,5%	56.292	61.756	9,7%	140,0	149,9	7,0%
N	–	4	–	–	1.515	–	–	378,8	–
K 1 U	1.543	1.455	-5,7%	315.281	295.931	-6,1%	204,3	203,4	-0,5%
K	5.507	5.831	5,9%	1.121.403	1.191.909	6,3%	203,6	204,4	0,4%
Alls	19.774	20.313	2,7	3.606.318	3.761.036	4,3%

 

Árið 2009 fóru 44 gripir í úrkast, 24 kálfar og 20 kýr. Heildarfjöldi gripa sem sendur var í sláturhús var því 20.357.

 

Reglugerð um gæðamat, merkingu og flokkun sláturafurða nr. 484/1998 er að finna hér.