Samkvæmt upplýsingum LK þá hefur verðþróun á kjötmarkaði síðustu 12 mánuði verið þannig að verð á algengustu flokkum nautakjöts (UNI A og UNI M+) hefur lækkað um 45 kr/kg á verðlagi dagsins í dag (sjá töflu). Verðið á sama tíma í fyrra var þannig 14,8% hærra en nú er og hefur lækkað um 12,9%. Skilaverð til bænda í öðrum kjöttegundum hefur einnig lækkað, en verulega minna (svínakjöt (Gris 1A) lækkað um 1,6% og dilkakjöt (R3 & O2) lækkað um 2,3%).

 

Á sama tíma hefur verð á ofangreindu kjöti til neytenda hækkað, samkvæmt upplýsingum frá Hagstofu Íslands.

 

Á vef Hagstofu Íslands (www.hagstofa.is/frettir/neysla11.xls) má sjá að vísitala fyrir nautakjöt hefur hækkað frá því í október 2000 til október 2001 úr 115,4 í 124,8 eða um tæp 8,2%. Á sama tíma hefur vísitala svínakjöts hækkað um 15,9% og vísitala dilkakjöts um 11,0%.

 

                         Skilaverð til bænda:

	Ungnautakjöt (UNI A og M+)	Svínakjöt (Gris 1A)	Dilkakjöt (O2 og R3)
Okt 2000	349*    323**	244*    226**	266*   246**
Okt 2001	304	240	260
* Uppfært skilaverð til bænda (m.v. vísitölu neysluverðs) ** Skilaverð til bænda á gengi október 2000

 

 

 

 

 

 

 

 

 

 

Við verðútreikningana voru notaðar upplýsingar frá sláturleyfishöfum um verð á algengustu flokkum nautakjöts og BÍ um verð á svína- og dilkakjöti (Gris 1A, O2 og R3). Verð á nautakjöti eru vegin saman í meðaltal í hlutfalli við slátrun einstakra sláturleyfishafa í september 2000 og 2001.