Uppgjör júlí mánaðar hefur verið birt á vef nautgriparæktarinnar.  Skýrsluskil eru tæp 90 % sem er svipað og í mánuðinum á undan en meðalafurðir hækka örlítið.   Egg í Hegranesi er afurðahæst líkt og í júní en nú er það Vitadóttirin Huppa frá Káranesi sem efst á lista yfir afurðahæstu kýrnar.  Eins og menn sjá hafa verið gerðar smávægilegar breytingar á búslistanum þar sem nú eru einnig birt nöfn skýrsluhaldara.  Nú í júlí var sent bréf til skýrsluhaldar vegna innlesturs kýrsýna frá RM þar gefst einnig kostur á velja þann texta sem birtist í þessum dálk.  Búið er að færa inn þau svör sem bárust fyrir helgi og verður þetta uppfært í HUPPU um leið og svör detta í hús.  Einnig er alltaf hægt að hafa samband og biðja um breytingu og þeir sem eru með aðgang að HUPPU geta sjálfir uppfært þessar upplýsingar í búsupplýsingum hjá sér. 

Uppgjörið í heild sinni má nálgast á uppgjörssíðu skýrsluhaldsins

/GEH