Bæklingurinn „Upp í sveit 2011“ kom út í síðustu viku en í honum eru nákvæmar upplýsingar um bæi sem starfa undir merkjum Ferðaþjónustu bænda, Beint frá býli og Opins landbúnaðar. Upp í sveit er prentaður í 30 þúsund eintökum og er dreift um allt land á helstu ferðamannastöðum í sumar. 

Á ferðasýningunni Íslandsperlur, sem haldin var í Reykjavík dagana 20.-22. maí, var bæklingnum dreift til gesta en alls er talið að 8-9 þúsund manns hafi komið á sýninguna. Nokkrir bændur voru á básnum að kynna sínar vörur og þjónustu. Myndir frá viðburðinum eru aðgengilegar á myndasafni Bændablaðsins.

Hægt er að fá nýja bæklinginn sendan endurgjaldslaust í pósti með því að fara inn á sveit.is og fylla þar út beiðni. Upp í sveit 2011 er líka aðgengilegur á veflægu formi með því að smella hér.


Vefsíður:
Ferðaþjónusta bænda: www.sveit.is
Beint frá býli: www.bfb.is
Opinn landbúnaður: www.bondi.is