Félag kúabænda á Suðurlandi stendur fyrir málþingi um stöðu og möguleika íslenskrar mjólkurframleiðslu undir yfirskriftinni: „Er raunhæft að tvöfalda mjólkurframleiðslu á Íslandi á næstu árum?“ Málþingið verður haldið þriðjudaginn 31. janúar í félagsheimilinu Þingborg í Hraungerðishreppi og hefst kl. 12.00. 

Þrír fyrirlesarar verða á málþinginu:

• Sveinn Agnarsson, Hagfræðistofnun Háskóla Íslands, ræðir um stöðu og horfur í mjólkurframleiðslu
• Guðbrandur Sigurðsson, forstjóri MS, ræðir um markaðsmöguleika erlendis
• Elvar Eyvindsson, bóndi Skíðbakka II í Landeyjum, mun ræða um möguleika til lækkunar framleiðslukostnaðar á kúabúum.

Kúabændur eru hvattir til að fjölmenna.