Dagur landbúnaðarins, málþing Bændasamtakanna, undir yfirskriftinni Græn Framtíð, fór fram á Hótel Nordica síðastliðinn föstudag fyrir fullu húsi. Á málþinginu var fjallað um áskoranir og framtíðarverkefni í landbúnaði á Íslandi og er óhætt að segja að mikill áhugi hafi verið fyrir viðburðinum.

Erindin á málþinginu voru afar áhugaverð þar sem Ingólfur Friðriksson hjá Utanríkisráðuneytinu fjallaði um ytri vídd fæðuöryggis, Rúnar Þór Þórarinsson hjá Landeldi kynnti visthæfingu landeldis, úr fiskeldisúrgangi í öflugan áburð, Eygló Björk Ólafsdóttir fræddi gesti um starfsemina í Vallanesi og möguleika á matvælaframleiðslu í skjóli skóga, Karvel L. Karvelsson, hjá RML, sýndi fram á hvernig upplýsingar koma að notum í baráttunni við loftslagsmál og Sigurður Ingi Friðleifsson hjá Orkustofnun hélt erindi um fæðuöryggi og orkuöryggi. Eftir erindin voru líflegar og skemmtilegar panelumræður. Erindin og dagskrá málþingsins má sjá hér að neðan:

Erindi Ingólfs Friðrikssonar hjá Utanríkisráðuneytinu

Erindi Rúnars Þórs Þórarinssonar hjá Landeldi

Erindi Eyglóar Bjarkar Ólafsdóttur bónda í Vallanesi

Erindi Karvels L. Karvelssonar hjá RML

Erindi Sigurðar Inga Friðleifssonar hjá Orkustofnun

 

Dagskrá málþingsins var eftirfarandi:

Setning
Gunnar Þorgeirsson - Formaður Bændasamtaka Íslands 

Ytri vídd fæðuöryggis
Ingólfur Friðriksson - Utanríkisráðuneytið 

Visthæfing landeldis – Úr fiskeldisúrgangi í öflugan áburð 
Rúnar Þór Þórarinsson - Yfirmaður sjálfbærni og nýsköpunar Landeldi 

Matvælaframleiðsla í skjóli skóga – Lífræn ræktun til framtíðar 
Eygló Björk Ólafsdóttir - Bóndi í Vallanesi 

Að gera gagn – Hvernig upplýsingar koma að notum í baráttunni við loftslagsmál 
Karvel L. Karvelsson - Framkvæmdastjóri Ráðgjafarmiðstöðvar Landbúnaðarins  

Orkan í sveitinni 
Sigurður Ingi Friðleifsson - Sviðsstjóri loftslagsbreytinga, orkuskipta og nýsköpunar Orkustofnunar 

Ávarp
Guðlaugur Þór Þórðarson - Ráðherra umhverfis-, orku- og loftslagsmála

Að loknum erindum voru pallborðsumræður sem Guðmundur Gunnarsson, fréttastjóri Markaðarins stýrði. Í panel voru eftirtaldir:

Guðlaugur Þór Þórðarson, umhverfis-, orku og loftslagsráðherra 
Erna Björnsdóttir, fagstjóri matvæli og náttúruafurðir Íslandsstofu 
Gunnar Þorgeirsson, formaður Bændasamtaka Íslands 
Helgi E. Þorvaldsson, formaður starfshóps um kornrækt 
Hlédís Sveinsdóttir, meðhöfundur skýrslunnar Ræktum Ísland 
Svanhildur Hólm, framkvæmdastjóri Viðskiptaráðs