Beint í efni

Svensk Mjölk hættir um áramótin!

14.11.2012

Samtök sænskra afurðastöðva, Svensk Mjölk, verða lögð niður um næstkomandi áramót og mun hluti starfseminnar færast til þarlendra bændasamtaka (LRF). LRF rekur í dag fjölþætta þjónustu innan landbúnaðar s.s. á sviði ráðgjafar og verður afurðastöðvahlutinn nú deild innan LRF og mun kallast LRF Mjölk.

 

Tilgangur breytinganna er að sögn Svensk Mjölk að efla hagsmunagæslu afurðastöðvanna enda eru LRF afar sterk samtök. Um leið sparast mikill kostnaður og mun kostnaður hinna sænsku kúabænda helmingast vegna breytinganna og munu þeir frá áramótum aðeins greiða 22 aura til LRF Mjölk af hverjum innvegnum líter. Ef dæmið væri fært upp á íslenskar aðstæður fyrir framleiðsluárið 2011 myndi það svara til heildartekna samtakanna upp á 27,4 milljónir króna/SS.