Fagráð í hrossarækt veitti á dögunum styrki úr Stofnverndarsjóði og hlutu tvö verkefni styrk þetta árið.

Háskólinn á Hólum hlaut styrk fyrir verkefnið „Líkamsþungahlutfall milli knapa og hesta á Heimsmeistaramóti íslenska hestsins og tengsl við árangur, heilbrigði og endingu.“

Segir m.a. í umsögn ráðsins að: Rannsóknin er afskaplega mikilvæg, sérstaklega í ljósi  umræðu um svokallaða ”Samfélagssátt um notkun íslenska hestsins (SLO: Social licence to operate)”.  Í því samhengi er vitnað til smæðar hans (þyngd og hæð á herðar) og þess hvort nota eigi hann til reiðar.

Einnig hlaut verkefni Matís „Framþróun erfðagreininga í þágu íslenska hestakynsins“ styrk úr sjóðnum.

Í umsögn ráðsins er talað um mikilvægi slíkra ransókna og er hún afar mikilvæg varðandi framþróun erfðamats á íslenskum hrossum.

Við óskum styrkhöfum hjartanlega til hamingju og velfarnaðar í framhaldinu.