Við höfum áður heyrt af erfiðri stöðu sænskra kúabænda en það berast nú einnig góð tíðindi frá Svíþjóð en þar hefur stóraukist sala á lífrænt vottaðri drykkjarmjólk undanfarna mánuði og misseri. Árið 2014 reyndist afar gott og jókst framleiðsla lífrænnar mjólkur um 1% sem etv. telst nú ekki mikið en tíðindin eru s.s. stóraukin sala drykkjarmjólkur. Hingað til hefur nefninlega verið mun meiri framleiðsla á lífrænni mjólk en sala og lífrænt vottaða mjólkin því verið seld sem „hefðbundin“. Í fyrra varð 19% söluaukning frá fyrra ári, en stærstur hluti þessarar sölu er frá innlendum framleiðendum.

 

Hlutdeild lífrænnar mjólkur á heildarmarkaðinum er nú 14% en aðrar vörur standa langt að baki og lífrænt vottaður rjómi hefur ekki nema 4% hlutdeild og ostar eru einungis með 1% hlutdeild af sænska markaðinum/SS.