Símafundur stjórnar LK mánudaginn 20. júlí 2009 kl. 8.45. Mætt eru Sigurður Loftsson, Sigurgeir Hreinsson, Guðný Helga Björnsdóttir, Jóhann Nikulásson og Sveinbjörn Þór Sigurðsson. Baldur Helgi Benjamínsson ritaði fundargerð.

 

Sigurður Loftsson bauð fundarmenn velkomna á línuna og gekk til dagskrár.

 

1. Tilhögun C-greiðslna. Tillaga formanns og framkvæmdastjóra um útdeilingu C-greiðslna verðlagsárið 2009/2010 hafði verið send stjórnarmönnum í tölvupósti. Rætt var hvort of langt væri gengið í breytingum með þessum tillögum, en ljóst að nýta verður þau tæki sem í boði eru til að tryggja nægjanlegt framboð mjólkur allt verðlagsárið. Hinsvegar er líklegt að það verð sem greitt verður fyrir umframmjólk getur einnig haft afgerandi áhrif á hvort nægjanleg innvigtun verður í lok ársins. Nauðsynlegt er að fylgjast vel með þróun innvigtunar og haga greiðslunum til samræmis við það markmið að jafna sveiflur milli framleiðslu og sölu mjólkur. Stjórn fellst á tillöguna fyrir sitt leiti og jafnframt ákveðið að senda bændum bréf þar sem breytingar næsta verðlagsárs verða kynntar.

 

Fleira ekki gert og fundi slitið kl. 9.20.

 

Baldur Helgi Benjamínsson
Framkvæmdastjóri LK.