Níundi stjórnarfundur Landssambands kúabænda, haldinn á Hótel Selfossi 22. mars 2012. Mætt eru Sigurður Loftsson, formaður, Guðný Helga Björnsdóttir, varaformaður, Jóhann Nikulásson, Jóhann Gísli Jóhannsson og Sveinbjörn Þór Sigurðsson. Baldur Helgi Benjamínsson framkvæmdastjóri ritaði fundargerð.

 

Formaður setti fund kl. 18.15 og gekk til dagskrár.

 

1. Fundargerð síðasta fundar. Undirrituð og frágengin. Verður birt á naut.is að loknum fundi.

 

2. Reikningar LK 2011 og fjárhagsáætlun 2012. Framkvæmdastjóri fór yfir reikninga og skýrði nokkur atriði þeim tengd. Afkoma félagsins er jákvæð um 10.493.566 kr, handbært fé 41.485.059 kr og eiginfjárhlutfall 94%. Stjórnin staðfestir reikninga með undirskrift sinni. Tillaga að fjárhagsáætlun frágengin.

 

3. Framkvæmd aðalfundarins. Þórarinn Leifsson, fulltrúi LK í fagráði hefur óskað eftir því að fá að vinna í starfsnefnd 1 með málfrelsi og tillögurétti, tillaga um slíkt verði lögð fyrir fundinn. Þá hefur borist beiðni frá einum fulltrúa um að flytja sig milli nefnda og hefur verið orðið við henni. Farið yfir skipan nefnda og mál til þeirra. Kosningar til búnaðarþings og stjórnar ræddar.

 

4. Önnur mál.

a) Sveinbjörn Þór Sigurðsson gefur ekki kost á sér til frekari stjórnarsetu. Honum er þökkuð kærlega fyrir vel unnin störf í stjórn Landssambands kúabænda.

b) Fundargerð lesin upp og samþykkt. Verður birt á naut.is að loknum fundi.

 

Fleira ekki gert og fundi slitið kl. 19.38.

 

Baldur Helgi Benjamínsson

Framkvæmdastjóri Landssambands kúabænda