Áttundi fundur stjórnar Landssambands kúabænda haldinn 24. ágúst 2016 kl. 17:00.

Símafundur

Mætt eru Arnar Árnason formaður, Pétur Diðriksson varaformaður, Elín Heiða Valsdóttir, ritari, Bessi Freyr Vésteinsson, Bóel Anna Þórisdóttir, varamaður, og Davíð Logi Jónsson,varamaður.

Fundargerð ritaði Margrét Gísladóttir, framkvæmdastjóri.

Formaður setti fundinn, bauð fundarmenn velkomna og svo var gengið til dagskrár.

Þetta var rætt:

1. Kvótamarkaður 1. september.

Formaður og framkvæmdastjóri kynntu þær fyrirspurnir sem samtökunum hafa borist varðandi möguleikann á frestun kvótamarkaðar 1. september. Miklar umræður voru um málið. Bændur skulu senda inn tilboð til MAST fyrir lok 25. ágúst, líkt og hefur gilt um aðra kvótamarkaði hingað til. Ljóst að tími til reglugerðarbreytingar er knappur, auk þess sem margir bændur hafa nú þegar gengið frá sínum tilboðum í samræmi við feril fyrri markaða. Er það því samhljóða mat stjórnar LK að ekki sé rétt að gerð verði reglugerðarbreyting þess eðlis að kvótamarkaði 1. september sé frestað.

12. júlí sl. var ritað undir breytingar á reglugerð nr. 190/2011 um markaðsfyrirkomulag við aðilaskipti að greiðslumarki mjólkur á lögbýlum. Breytingin gengur út á að aðilaskipti að greiðslumarki sem fara fram á markaði í nóvember 2016 skulu taka gildi frá og með 1. janúar 2017. Þær breytingar tryggja að unnið verði eftir fyrirkomulagi núverandi samnings um aðilaskipti að greiðslumarki út gildistíma hans og gera bændum kleift að selja það greiðslumark sem þeir hafa þegar framleitt upp í á yfirstandandi verðlagsári.

Fleira ekki gert og fundi slitið kl. 17.20.

Margrét Gísladóttir,

Framkvæmdastjóri LK