Um næstu mánaðarmót mun sænska afurðastöðin Skånemejerier hækka verð til bænda um 0,31 sænska krónu eða 5,18 Íkr. Ástæða hækkunarinnar er tvíþætt en annarsvegar hefur gengið afar vel með afsetningu á vörum og hinsvegar hefur tekist að auka hagræði við vinnslu. Hækkanir á mjólkurvörum erlendis skipta fyrirtækið einnig miklu máli, sem nú skilar góðum söluárangri áfram til kúabænda segir í fréttatilkynningu frá Skånemejerier.