Í dag hefst í Hanover í Þýskalandi stærsta landbúnaðarsýning Evrópu í ár á sviði tæknibúnaðar fyrir nautgriparækt, Eurotier (www.eurotier.de) en sýningunni líkur þann 19. All margir Íslendingar verða á sýningunni, flestir á vegum íslenskra fyrirtækja og umboða enda vafalítið hægt að ná í áhugaverðar nýjungar á sýningunni. Eins og naut.is hefur áður greint frá fékk „mjaltaþjónahringekja“ DeLaval sk. gullverðlaun sýningarinnar, en slík verðlaun hljóta nýjungar sem taldar eru til byltingar á sínu sviði. Tvö önnur fyrirtæki hljóta slíka viðurkenningu í ár, annarsvegar

fyrirtæki sem framleiðir tæknibúnað fyrir svínabændur og hinsvegar fyrirtækið Siliconform. Silikonform (www.siliconform.com) framleiðir m.a. sílíkon-mjaltahylki en einnig hefðbundinn mjaltabúnað. Árið 2006 hlaut fyrirtækið gullverðlaun sýningarinnar fyrir hálfsjálfvirka mjaltahringekju sína (Multilactor) og í ár fær fyrirtækið gullverðlaun án ný og að þessu sinni fyrir sjálfvirka mjaltastólinn sinn „Melktaxi“!

 

Galactor melktaxi, sem í beinni þýðingu myndi leggjast út sem Galactor mjaltaleigubíllinn, er sérhannað hjálpartæki fyrir sk. klefahringekjumjaltabása (Tandem). Sá sem sér um að setja tækin á kýrnar situr í þar til gerðum stól sem hangir í rennibraut og getur hann stýrt ferðum sínum með sérstökum stýripinna.

 

Galactor mjaltastóllinn frá Siliconform (smelltu á myndina til þess að sjá hana í stærri upplausn)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Stóllinn er einnig sjálfvirkur og fer sjálfkrafa á þann stað þar sem aðstoðar er þörf við hrinekjuna! Í umsögn dómnefndar er þetta tæki talið til algerrar byltingar og að tækið geri allt starfsumhverfi starfsmanna við mjaltir auðveldara og vinnuhagræðingin sé einstök. Þá sé fólki sem á erfitt með að hreyfa sig gert auðvelt fyrir að sinna mjöltum. Hvort tækið eigi eftir að sjást á Íslandi í framtíðinni er ómögulegt að segja til um, en tæknin er amk. áhugaverð!