Í dag, fimmtudaginn 21. október, verða haldnir síðustu haustfundir LK þetta haustið, en fundirnir verða haldnir á Vesturlandi. Á fundunum munu forsvarsmenn LK fara yfir stöðu helstu mála s.s. um framleiðslu, sölu og afkomumál, stöðu búvörusamninganna og fyrirhugaðar breytingar á búvörulögunum, greiðslumark mjólkur árið 2011 og skiptingu b- og c-greiðslna, endurskoðun búnaðargjalds,stöðu aðlögunarferlisins að Evrópusambandinu, kvótamarkaðinn auk þess sem farið verður yfir stefnumörkun LK. Kúabændur og annað áhugafólk um nautgriparækt er hvatt til að mæta.

 

Fundirnir í dag verða haldnir á eftirtöldum stöðum:

– Hótel Hamri við Borgarnes kl. 13.00

– MS Búðardal kl. 13.00 og

– í Kaffi Kjós kl. 20.30