Beint í efni

Selja sæði til Kína og Rússlands

31.05.2012

Geno, sem er í eigu um það bil 11.000 norskra kúabænda, er nú byrjað að selja sæði úr NRF nautum til Kína og Rússlands með stuðningi norska ríkisins. Félagið hefur nú fengið 23,5 milljónir frá ríkinu til sérstaks átaksverkefnis til þess að kynna kosti hinna norrænu nauta þarna austurfrá. Þessir tveir markaðir eru í miklum vexti og eru sér í lagi áhugaverðir fyrir kynbótafyrirtækin, enda bændur í þessum löndum farnir að átta sig á ótvíræðum kostum þess að losa sig við heimanautin.

 

En afhverju að velja þessi tvö lönd af þeim mörgu löndum sem eru í vexti? Jú skýringin liggur í stærðinni enda er heildarfjöldi kúa í löndunum tveimur 19 milljónir! Á móti kemur að skrifræðið er mikið og kostnaðurinn við það eitt að komast í gegnum fjölbreyttar hindranir landanna slíkur að norska ríkið ákvað að aðstoða Geno við þetta metnaðarfulla verkefni/SS.