Aðalfundur Landssamtaka sauðfjárbænda hefur afgreitt tillögu um útgáfu viðmiðunarverðs á dilkakjöti fyrir árið 2008. Aðalfundurinn fól stjórn samtakanna að gefa sem fyrst út viðmiðunarverð, eins og henni er heimilt skv. lögum. Samkvæmt samþykktinni á viðmiðunarverðið að fela í sér að verð dilkakjöti til sauðfjárbænda hækki að lágmarki um 98 krónur á kíló miðað við vegið meðalverð ársins 2007. Það þýðir að vegið meðalverð á dilkakjöti innanlands þarf að fara upp í 461 kr. á kíló. Verð fyrir dilkakjöt til útflutnings þarf að sama skapi að fara upp í 335 kr. á kíló.

Í tillögunni segir jafnframt að kjöt af fullorðnum gripum þurfi a.m.k. að taka sömu hækkun hlutfallslega.

Rökin fyrir hækkuninni eru fyrst og fremst miklar aðfangahækkanir til bænda á undanförnum vikum og mánuðum.

/saudfe.is greindi frá.