Eftir að Búnaðarþingi lauk barst Bændasamtökum Íslands bréf frá Samkeppniseftirlitinu þar sem óskað var eftir gögnum frá samtökunum, þar á meðal afriti af öllum fundargerðum og þingskjölum Búnaðarþings 2008, afriti af öllum fundargerðum, samþykktum, ályktunum, sáttum, minnisblöðum og tölvupóstum sem hafa verið rituð eftir 1. september á síðasta ári.

Í bréfi Samkeppniseftirlitsins kemur fram að stofnunin telji sig hafa séð vísbendingar þess í fjölmiðlum að Bændasamtökin og einstök búnaðar- og búgreinasamtök hafi seilst of langt í hagsmunagæslu fyrir félagsmenn sína. Er í því sambandi vitnað til 10. og 12. grein samkeppnislaga.

Bændasamtökin hafa orðið við erindi Samkeppniseftirlitsins. Þau telja sig hins vegar hafa uppfyllt þá skyldu sína að gæta hagsmuna bændastéttarinnar og upplýsa neytendur um þróun í verðlagsmálum.

Ekki er ljóst hvenær úrskurðar er að vænta af hálfu Samkeppniseftirlitsins.