Samkvæmt yfirliti Samtaka afurðastöðva í mjólkuriðnaði (SAM) var sala á fitugrunni 145,6 milljónir lítra síðustu 12 mánuði (febrúar 2021 – janúar 2022) og 124,1 milljónir lítra á próteingrunni. Salan á próteingrunni er 0,4% minni samanborið við janúar fyrir ári síðan en salan á próteingrunni heldur þó áfram að aukast hægt og rólega og hefur aukist um 3,4% síðustu þrjá mánuði. Sé horft til söluna síðustu 12 mánuði þá jókst salan á bæði prótein- og fitugrunni um 1,5% en síðustu þrjá mánuði hefur salan á fitugrunni aukist um 1,6%.

Á sama tíma, þ.e. síðustu 12 mánuði, hefur mjólkurframleiðslan dregist saman um 1% þrátt fyrir aukningu um 1% síðustu þrjá mánuði. Þannig nam innvigtun mjólkur 148,9 milljónum lítra. Árið byrjar svo með sambærilegri framleiðslu miðað við sama mánuð í fyrra. Heildar innvigtunin í janúar var 12 milljón lítrar, sem er rúmlega 46 þúsund lítrum meira en í janúar árið 2021 og svarar þessi munur til 0,4%.

                                                                                                                                                                                 /GBE