Beint í efni

SAM: Framleiðsla síðustu 12 mánaða er 151,3 milljón lítrar

18.12.2023

Samkvæmt nýju yfirliti Samtaka afurðastöðva í mjólkuriðnaði (SAM), sem nær yfir tímabilið frá byrjun desember í fyrra til lok nóvember í ár, var innvigtun mjólkur fyrstu ellefu mánuði þessa árs 139,1 milljónir lítra en á sama tíma í fyrra nam innvigtunin 135,8 milljónum lítra. Munurinn nemur því 3,3 milljónum lítrum eða 2,5% aukningu milli ára.


Í nóvember nam innvigtunin 11,5 milljónum lítra sem er 79 þúsund lítrum minni innvigtun en í nóvember í fyrra en heildarinnvigtun nóvembermánaðar 2022 var 11,6 milljónir lítra. Framleiðslan í nóvembermánuði dróst saman um 0,7% milli ára. Hvað varðar innvigtun síðastliðna tólf mánuði þá stendur hún í 151,3 milljónum lítra, sem er 2,5% aukning miðað við sambærilegt tímabil mánuðina tólf þar á undan.


Í yfirlitinu kemur fram að sala á fitugrunni nam 148,6 milljónum lítra sem er aukning um 2,8% á tólf mánaða tímabili. Söluaukning upp á 3,0% hefur átt sér stað undanfarna þrjá mánuði, og hefur orðið samdráttur upp á 1,0% nú í nóvember.  Salan á próteingrunni hefur einnig aukist síðustu þrjá mánuði, um 3,0% og enn meira eða um 4,0% sé horft til síðustu tólf mánaða. Í nóvember varð söluaukning á próteingrunni um 0,1% samanborið við nóvember 2022 og er heildarsala á próteingrunni síðustu tólf mánuði komin í 131,0 milljónir lítrar.