Beint í efni

SAM: töluverð söluauking í októbermánuði 2023

17.11.2023

Samkvæmt nýju yfirliti Samtaka afurðastöðva í mjólkuriðnaði (SAM), sem nær yfir tímabilið frá byrjun nóvember í fyrra til lok október í ár, var innvigtun mjólkur fyrstu tíu mánuði þessa árs 127,6 milljónir lítra en á sama tíma í fyrra nam innvigtunin 124,2 milljónum lítra. Munurinn nemur því 3,4 milljónum lítrum eða 2,8% aukningu milli ára.


Í október nam innvigtunin 11,9 milljónum lítra sem er 353 þúsund lítrum meiri innvigtun en í október í fyrra en heildarinnvigtun októbermánaðar 2022 var 11,5 milljónir lítra. Framleiðslan í októbermánuði jókst um 3,1% milli ára. Hvað varðar innvigtun síðastliðna tólf mánuði þá stendur hún í 151,4 milljónum lítra, sem er 2,8% aukning miðað við sambærilegt tímabil mánuðina tólf þar á undan.


Í yfirlitinu kemur fram að salan á fitu- og próteingrunni er áfram góð. Salan á fitugrunni síðastliðna tólf mánuði nam 150,4 milljónum lítra sem er 2,5% aukning frá fyrra ári. Söluaukning upp á 3,5% hefur átt sér stað síðastliðna þrjá mánuði og var söluaukningin í október alls um 8,2%. Salan á próteingrunni hefur einnig aukist síðustu þrjá mánuði, um 3,9% og enn meira eða um 4,4% sé horft til síðustu tólf mánaða. Í október einum og sér varð söluaukning á próteingrunni um 7,2% samanborið við október 2022 og er heildarsala á próteingrunni síðustu tólf mánuði komin í 132,6 milljónir lítrar. Munurinn á prótein- og fitusölu er þannig áfram 17,7 milljónum lítrar.