Samkvæmt yfirliti Samtaka afurðastöðva í mjólkuriðnaði (SAM) var sala á fitugrunni 147,8 milljónir lítra síðustu 12 mánuði (mars 2022 – febrúar 2023) og 129,3 milljón lítra á próteingrunni. Salan á próteingrunni heldur þannig áfram að aukast og var 3,9% meiri í febrúar 2023 en febrúar 2022. Sé horft til síðustu þriggja mánaða hefur sala á próteingrunni aukist um 6,2% og 4,0% undanfarna 12 mánuði. Hvað varðar söluna á fitugrunni dróst hún örlítið saman í febrúar 2023 samanborið við febrúar 2022 eða um 0,4%. Fitusalan hefur þó aukist undanfarna þrjá mánuði um 4,5% og um 1,2% sé horft til síðustu 12 mánaða.

Á sama tíma, þ.e. síðustu 12 mánuði, hefur mjólkurframleiðslan staðið í stað saman miðað við sambærilegt tímabil mánuðina 12 þar á undan. Þannig nam innvigtun mjólkur síðustu 12 mánuði alls 148,6 milljónum lítra. Bæði janúar og febrúarmánuður skiluðu örlítið meiri framleiðslu miðað við sömu mánuði ársins 2022. Í janúar framleiddu íslenskur kúabændur 1,9% meira en í janúar 2022 og í febrúar nam munurinn 3,4%. Alls var framleiðslan í febrúarmánuði 11,9 milljónir lítra sem er 389 þúsund lítra meiri mjólk en í febrúar 2022. Innvigtun það sem af er ári 2023 er 24,1 milljónir lítra en á sama tímabili í fyrra vó innvigtunin 23,5 milljónir lítra. Innvigtun fyrstu tvo mánuði ársins hefur því aukist um 0,4% frá fyrra ári.