Ágæt sala var á nautakjöti í nýliðnum maímánuði, alls 322,2 tonn. Það er 9,2% meira en í sama mánuði í fyrra. Heildarsala undanfarna 12 mánuði er þó lítillega minni en árið áður, nemur samdrátturinn 2,7%.

Skiptist salan þannig að 198,3 tonn seldust af ungnautakjöti, 118,3 tonn af kýrkjöti og 5,5 tonn af kálfakjöti.

 

Sem fyrr hélst framleiðsla og sala á nautakjöti alveg í hendur, framleiðsla mánaðarins var 321,5 tonn.

 

Yfirlit yfir kjötsölu og þróun hennar má sjá í töflunni hér að neðan. Gríðarleg söluaukning í hrossakjöti vekur athygli, sem og mikill samdráttur í kindakjötssölu.

 

Afurð	Sala í maí 2009, tonn	Breyting frá maí 2008	Sala síðustu 12 mánaða, tonn	Breyting frá fyrra ári
Alifuglakjöt	633,6	-6,7%	7.100	-7,8%
Svínakjöt	510,7	-3,1%	6.700	7,1%
Kindakjöt	397,5	-40,4%	6.646	-3,4%
Nautakjöt	322,1	9,2%	3.623	-2,7%
Hrossakjöt	60,8	129,1%	722	13,7%