Samkvæmt upplýsingum frá Samtökum afurðastöðva í mjólkuriðnaði hefur mjólkurframleiðslan í ár verið töluvert minni en árið 2009. Innvigtun mjólkur í september, til afurðastöðva innan SAM, var t.a.m. 2,3% minni en í september í fyrra.

 

Samtals nemur samdráttur í innvigtuninni það sem af er þessu ári 1,6 milljónum lítra miðað við sama tímabil árið 2009. Heildarframleiðslan á árinu var í lok september komin í 95,1 milljónir lítra en á sama tíma árið 2009 var framleiðslan

komin í 96,7 milljónir lítra. Mismunurinn nemur 1,66%.

 

Í meðfylgjandi töflu má sjá hvernig innvigtunin skiptist á milli mánaða í ár og árið 2009.

 

Mánuður	2010	2009	Mismunur	Mism. %
Janúar	10.301.428	10.766.374	-464.946	-4,32
Febrúar	9.926.408	10.049.873	-123.465	-1,23
Mars	11.597.540	11.313.417	+284.123	+2,51
Apríl	10.903.302	11.253.031	-349.729	-3,11
Maí	11.348.595	11.455.207	-106.612	-0,93
Júní	11.189.096	11.584.468	-395.372	-3,41
Júlí	10.544.458	10.715.544	-171.086	-1,60
Ágúst	10.017.706	10.082.583	-64.877	-0,64
September	9.233.289	9.450.302	-217.013	-2,30
Október
Nóvember
Desember
SAMTALS	95.061.822	96.670.799	-1.608.977	-1,66

 

Sala mjólkurvara á innanlandsmarkaði undanfarna 12 mánuði eru 115,1 milljónir lítra á próteingrunni sem er samdráttur sem nemur -0,96% frá fyrri 12 mánuðunum, en jákvæðu tíðindin eru að salan í september var 2,3% meiri en í september í fyrra.

 

Salan á fitugrunni sl. 12 mánuði nam 111,1 milljónum lítra (+0,11%) en í september var salan á fitugrunni 1,6% minni en í september í fyrra.