Samkvæmt nýútkomnu yfirliti Samtaka afurðastöðva í mjólkuriðnaði var sala á fitugrunni 137,7 milljónir lítra síðustu 12 mánuði (nóvember 2015-október 2016). Það er aukning frá fyrra ári um 4,4%. Síðustu þrjá mánuði (ágúst-október 2016) nam söluaukningin 10,0% miðað við sama tímabil fyrir ári!

Sala á próteingrunni undanfarna 12 mánuði var 127,6 milljónir lítra, sem er aukning um 4,7% frá árinu á undan. Ef litið er til síðustu þriggja mánaða (ágúst-október 2016) nam söluaukningin á próteingrunni 6,6%.

Innvegin mjólk undanfarna 12 mánuði var 151,4 milljónir lítra, sem er 5,6% aukning frá árinu á undan. Sé litið til síðasta mánaðar nam innvigtunin 11,2 milljónum lítra sem er samdráttur um 4,0% frá því í oktober í fyrra/SS.