Eins og áður hefur verið greint frá ákváðu rússnesk yfirvöld að banna útflutning á hveiti til áramóta vegna mikilla þurrka og uppskerubrests í Rússlandi nú í sumar. Var þetta gert til þess að koma í veg fyrir hækkað verð á hveiti á heimamarkaði, en ákvörðunin kom sem kunnugt er við flesta aðra þar sem hveitiverð á heimsmarkaði hækkaði verulega í kjölfar ákvörðunarinnar. Nú hefur Vladimir Putin, forsætisráðherra, kunngjört endurskoðun á fyrri ákvörðun en ákveðið hefur verið að banna útflutning á hveiti langt fram á næsta ár eða þar til ljóst er

hvernig uppskera næsta árs verður.

 

Þessi ákvörðun er áfram rökstudd með því að mikilvægt sé að halda verði á hveiti niðri á heimamarkaðinum, en allar líkur eru á því að þetta kalli á enn frekari verðhækkun á hveiti. Bændur og neytendur ættu því að búa sig undir það að kornverð verði hátt næstu 12 mánuðina.