Bændasamtök Íslands óska eftir að ráða ritstjóra að Bændablaðinu. Leitað er að einstaklingi sem hefur starfað á fjölmiðlum og hefur þekkingu á ritstjórn blaða. Ritstjóranum er einnig ætlað að ritstýra fréttavef Bændablaðsins, www.bbl.is. Umsækjandi þarf að hafa metnað og áhuga á íslenskum landbúnaði.

Þekking og færni í umbrotsforritinu InDesign og myndvinnsluforritinu Photoshop er kostur.

Bændablaðið er málgagn Bændasamtakanna og kemur út hálfsmánaðarlega í rösklega 22 þúsund eintökum. Blaðinu er dreift um allt land. Í því er fjallað um málefni bændastéttarinnar og hinna dreifðu byggða. Blaðið er í eigu Bændasamtaka Íslands sem gegna fjölþættu hlutverki sem fagleg hagsmunasamtök allra bænda í landinu.

Umsóknarfrestur um starf ritstjóra er til 1. desember. Bent er á að sækja um starfið í gegnum vefinn með því að smella hér. Þar er rafrænt umsóknareyðublað sem unnt er að fylla út og tengja við ýmis fylgigögn.

Nánari upplýsingar gefur Tjörvi Bjarnason, sviðsstjóri útgáfu- og kynningarsviðs BÍ, í síma 563-0300 eða í netfangið tb@bondi.is.