Kristján Þór Júlíusson, sjávarútvegs- og landbúnaðarráðherra, hefur lagt til í ríkisstjórn að Bjargráðasjóði verði tryggt aukið fjármagn á þessu ári vegna óvenju mikilla kal- og girðingatjóna síðasta vetur. 

Ríkisstjórnin hefur samþykkt að vísa málefnum sjóðsins til vinnslu frumvarps til fjáraukalaga 2020.

Samanlagt tjón metið á 960 milljónir króna

Kal- og girðingatjón er metið á 960 milljónir - um 800 milljóna króna kaltjón og 160 milljóna króna girðingatjón. Bjargráðasjóður er í dag sjálfstæð stofnun í eigu ríkisins en var til ársins 2016 að jöfnu í sameign ríkisins og Bændasamtaka Íslands.

Umóknir um bætur voru 211 vegna kaltjóns en 74 um bætur vegna girðingtjóns, en umsóknarfrestur var til 1. október. Gert er ráð fyrir að umsóknar verði afgreiddar í nóvember og þær greiddar út fyrir árslok.

Umsóknirnar skiptast þannig eftir landsvæðum

Bætur vegna kaltjóns

Svæði	Umsóknir	Kalnir hektarar	Hlutfall ræktarlands umsækjenda
Húnaþing og Strandir	34	445	25,5%
Skagafjörður	21	304	21,7%
Eyjafjörður	18	389	30,4%
Suður-Þingeyjarsýsla	63	1.789	55,7%
Norður-Þingeyjarsýsla	27	593	48%
Austurland	48	1.175	48,4%
Alls	211	4.695	41,5%

 

Bætur vegna girðingatjóns

Svæði	Umsóknir	Kílómetrar
Húnaþing og Strandir	19	50,2
Skagafjörður	15	24
Eyjafjörður	12	36,1
Suður-Þingeyjarsýsla	15	34,8
Noður-Þingeyjarsýsla	5	31,2
Austurland	2	3
Suðurland	6	15,7
Alls	74	195