Gríðarlega mikil rigning í Argentínu um jólin gerði það að verkum að sáningu á maís og soja frestaðist verulega þar í landi, en Argentína er stærsti útflytjandi heimsins á soja og næst stærsti útflytjandinn á maís. Á aðfangadag og jóladag var úrkoman 100 mm sem gegnvætti allan jarðveg og var ekki nokkru tæki mögulegt að fara um akrana vegna aurbleytu. Í fyrra var staðan allt önnur og var þá mögulegt að sá heldur fyrr og er munurinn núna kominn í 20% frávik, þ.e. sáningin í ár er 20% á eftir sáningunni í fyrra.
 
Vegna seinkunarinnar eru þegar hafnar vangaveltur um það hvort það náist að framleiða nóg af soja og maís í ár í heiminum til þess að sinna eftirspurninni, en verði einhver vafi á því má fastlega gera ráð fyrir því að kornverð taki enn eitt verðstökkið upp á við með tilheyrandi áhrifum á aðrar vörur/SS.