Staðfesting á verklagsreglum Bændasamtaka Íslands um ráðstöfun fjár vegna ullarnýtingar hafa verið birtar í Stjórnartíðindum og er auglýsingin eftirfarandi:

AUGLÝSING
um staðfestingu á verklagsreglum Bændasamtaka Íslands um ráðstöfun fjár vegna ullarnýtingar.

Með vísan til 3. mgr. gr. 6.3., sbr. gr. 4.3., í samningi um starfsskilyrði sauðfjárræktar dags. 25. janúar 2007, með áorðnum breytingum, sbr. 30. gr. laga nr. 99/1993 um framleiðslu, verðlagningu og sölu á búvörum, hefur atvinnuvega- og nýsköpunarráðherra staðfest verklagsreglur Bændasamtaka Íslands um ráðstöfun fjár vegna ullarnýtingar. Reglurnar eru birtar í Stjórnartíðindum sem fylgiskjal með auglýsingu þessari og öðlast þegar gildi.
/Atvinnuvega- og nýsköpunarráðuneytinu, 23. nóvember 2012.

Samkvæmt 3. gr. verklagsreglna um ráðstöfun fjár vegna ullarnýtingar, auglýsa Bændasamtök Íslands eftir umsækjendum um stuðning til söfnunar ullar. Umsóknarfrestur er til 10. desember og hægt er að nálgast umsóknareyðublað hér á vefnum.

Verklagsreglur um ráðstöfun fjár vegna ullarnýtingar - PDF

Umsóknareyðublað