Við höfum eiginlega ótrúlega oft talað um hið kanadíska afurðafyrirtæki Saputo undanfarin ár en ástæðan fyrir tíðum fréttaflutningi af Saputo eru afar tíð uppkaup þess á hinum og þessum afurðafyrirtækjum um heiminn. Um helgina bárust svo enn ein tíðindin af fjölskyldufyrirtækinu Saputo og þau eru af stærri gerðinni: fyrirtækið hefur tilkynnt um kaup á hinu þekkta breska afurðafélagi Dairy Crest! Dairy Crest hefur undanfarið átt í erfiðleikum en margir héldu þó að þar á bæ væri búið að leysa þau mál og lausnin var greinilega yfirtaka! Þar sem Dairy Crest er afar stórt fyrirtæki, er kaupverðið líka myndarlegt: rúmlega 150 milljarðar íslenskra króna!

Þessi tíðindi munu væntanlega hreyfa eitthvað við stóru fyrirtækjunum í afurðavinnslu í norðurhluta Evrópu, enda hefur aðili utan Evrópu ekki sótt inn á „þeirra“ markað af jafn miklum krafti áður. Skýringin felst etv. í því að í þessum heimshluta eru rótgróin fyrirtæki í afurðavinnslu og mörg af þeim með þeim allra stærstu í heimi eins og Danone, Lactalis, Arla, FrieslandCampina, DMK og Müller. Þessi staðreynd hefur etv. haldið eitthvað aftur af öðrum aðilum á markaðinum en Saputo fjölskyldan, sem er víst af ítölskum ættum, er hvergi hrædd og hefur nú svo sannarlega stokkið í djúpu lögina/SS.