Opið hús verður á tilraunabúinu á Stóra-Ármóti í Hraungerðishreppi á morgun, föstudaginn 1. apríl. Að sögn Grétars Hrafns Harðarsonar, tilraunastjóra búsins, verður boðið upp á mjög fjölbreytta og áhugaverða dagskrá í fjósinu. Fjallað verður m.a. um hvert nautgriparæktin stefni á Suðurlandi, tengsl tilraunabúsins og Landbúnaðarháskólans, þýðingu heilfóðurs fyrir mjólkurkýr og fleira. Dagskráin hefst kl. 14 og stendur til kl. 18 og eru allir velkomnir. Nánar má lesa um dagskrána hér:

 

14:00 Ávarp

Þorfinnur Þórarinsson formaður Búnaðarsambands Suðurlands

14:10 Hvert stefnir nautgriparækt á Suðurlandi?

Guðmundur Jóhannesson, ráðunautur hjá BSSL.

14:45 Tilraunabúið á Stóra Ármóti og Landbúnaðarháskóli Íslands

Ágúst Sigurðsson rektor

15:00 Heilfóðrun – fóðrun framtíðarinnar?

Grétar Hrafn Harðarson, tilraunastjóri

15:30 Kynning á heilfóðrun á Stóra Ármóti.

Höskuldur Gunnarsson, bústjóri, Eiríkur Þórkelsson, rannsóknarmaður og Grétar Hrafn Harðarson

16:00 Hvað kostar gróffóðrið?

Jóhannes Símonarson, ráðunautur hjá BSSL

Jafnframt þessum erindum verða veggspjöld um ýmsa þætti nautgriparæktarinnar til sýnis.