Nú liggur fyrir uppgjör Evrópusambandsins (ES) á mjólkurkvóta síðasta kvótaárs, en í ES líkur kvótaárinu í apríl ár hvert. Eins og kunnugt er, er hérlendis hvatt til þess að bændur framleiði umfram kvóta, í ár a.m.k., en ytra er þessu öðruvísi farið. Bændum innan ES er nefninlega refsað fyrir að fara yfir kvóta og liggur nú fyrir að tvö lönd framleiddu verulega mikið umfram kvóta, Þýskaland og Írland.

 

Bændur í Þýskalandi framleiddu 150 milljónir kg. umfram kvóta, sem kemur til með að kosta þá um fjóra milljarða í sekt sem rennur til Brussel. Samsvarandi var umframframleiðslan í Írlandi um 45 milljónir kg., svarandi til 0,8% framleiðslu umfram kvóta. Þetta kostar frændur okkar Íra um 1,5 milljarða.