Ólafur E. Stefánsson, fyrrverandi nautgriparæktarráðunautur Búnaðarfélags Íslands, lést aðfaranótt sl. sunnudags 82 ára að aldri. Ólafur starfaði sem nautgriparæktarráðunautur BÍ til margra ára, en við því starfi tók hann af Páli Zóphaníassyni. Ólafur var þekktur fyrir að vinna ötullega að kynbótaframgangi íslensku kýrinnar og stofnaði hann m.a. Íslandsdeild NÖK, sem er samstarfsvettvangur bænda og fræðimanna á sviði nautgriparæktar á Norðurlöndum.