Um BÍ
Búgreinadeildir
Málaflokkar
Til baka
Um Alifuglabændur
Upplýsingar
Kolefnisspor
Til baka
Til baka
Um Hross BÍ
Fræðsla
FHB
Til baka
Um NautBÍ
Upplýsingar
LK
Til baka
Sauðfjárbændur
Upplýsingar
Til baka
Starfið
Stjórnsýsla
Til baka

Óbreytt staða á toppnum!

12.10.2011

Niðurstöður skýrsluhaldsins fyrir september 2011 eru nú komnar út hjá Bændasamtökunum, en litlar breytingar hafa orðið frá síðasta mánuði. Meðalafurðir í Hraunkoti reiknast enn hæstar yfir landið og kýrin Systa frá Syðri-Bægisá heldur enn efsta sæti kúa, þriðja mánuðinn í röð.

 

Alls komu 598 bú til uppgjörs sem eru hlutfallsleg skil upp á 94%. Fjöldi árskúa í þessum skýrsluskilum var 22.308 eða 39,8 árskýr að jafnaði á hvern skýrsluhaldshafa og hefur árskúafjöldinn stigið jafnt og þétt frá því í sumar þegar meðalfjöldinn var ekki nema 36,0 árskýr (júlí).

 

Þegar horft er til meðalafurðanna kemur fram að örlítið þokast þær í rétta átt en meðalafurðirnar mælast nú 5.346 kg sem er 12 kg. aukning frá því í ágúst en er þó 9 kg. undir afurðunum í júlí. Próteinhlutfallið var 3,37 (óbreytt frá því í ágúst) og fituhlutfallið 4,22 (óbreytt frá því í ágúst) og framleiðsla verðmætaefna því 405,8 kg. Sé horft til sambærilegra niðurstaðna í september í fyrra þá voru meðalafurðirnar 5.322 kg og 37 árskýr. Samtals reiknast nú 16 bú yfir 7.000 lítra meðalnyt sem er einu búi meira en í ágúst.

 

– Mestar meðalafurðir búa með færri en 40 árskýr eru sem fyrr í Hraunkoti (17,0 árskýr) en þar var meðalnytin 8.165 kg með 4,25% fitu og 3,51% próteini og magn verðmætaefna mjólkurinnar því að jafnaði 634 kg.

 

– Mestar meðalafurðir búa með 40-80 árskýr eru nú á ný í Reykjahlíð (58,7 árskýr) þar sem meðalnytin reiknast nú 7.973 kg með 4,04% fitu og 3,45% próteini og magn verðmætaefna mjólkurinnar því að jafnaði 597 kg.

 

– Mestar meðalafurðir búa með fleiri en 80 árskýr eru sem fyrr í Gunnbjarnarholti (99,6 árskýr), en þar var meðalnytin 7.311 kg með 4,09% fitu og 3,44% prótein og magn verðmætaefna mjólkurinnar því 55kg.

 

Afurðahæsta kýr landsins (reiknað út frá kg mjólkur) er enn á toppnum frá síðasta mánuði en það er kýrin Systa 361 (undan Tein 970001) frá Syðri-Bægisá með 11.899 kg. sl. 12 mánuði með 3,28% prótein og 4,05% fitu og magn verðmætaefna því alls 872 kg. Sé eingöngu horft til framleiðslu vermætaefna mjólkurinnar, líkt og gert er víða um heim þegar afurðir eru skoðaðar, lendir Systa í sjötta sæti á framleiðslulistanum og fer þá Baula frá Stóra-Ármóti í fyrsta sæti listans en sl. 12 mánuði skilaði hún af sér 974 kg. af fitu og próteini.

 

Fram kemur í yfirliti BÍ að 12 kýr mjólkuðu yfir 11 þúsund kg./SS

 

Smelltu hér til að fræðast nánar um niðurstöður skýrsluhaldsins