Beint í efni

Nýtt kynbótamat í nautgriparækt

04.05.2012

Nýtt kynbótamat í nautgriparæktinni liggur nú fyrir og verður lagt fyrir fagráð á næstu dögum. Undirritaður sér um vinnslu á einkunn fyrir endingu kúnna og er þar helst til tíðinda, að niðurstöður fyrir þennan eiginleika eru heldur jákvæðar fyrir nautaárgangana 2005 og 2006, en fyrstu niðurstöður fyrir naut sem komu í heiminn 2007 eru heldur slakar. Þar er þó eingöngu um 9 naut að ræða og of snemmt að draga stórar ályktanir. Í töflunni hér að neðan má sjá þróun endingar íslensku kúnna á árabilinu 2001-2011. Kýr sem voru felldar á liðnu ári, 2011, höfðu að jafnaði verið í framleiðslu (tími frá fyrsta burði að förgun) í 963 daga, það er tvö ár, 7 mánuði og 19 daga. Kvígurnar eru að jafnaði 29,4 mánaða við fyrsta burð, sem þýðir að þær eru um fimm ára gamlar að jafnaði þegar þeim er fargað. Endingatíminn er því óþarflega stuttur en þó mjög svipaður og gengur og gerist í nágrannalöndunum./BHB

Förgunarár Dagar í framleiðslu
2001 1.114
2002 1.018
2003 975
2004 1.129
2005 1.047

2006

1.017
2007 968
2008 971
2009 1.003
2010 987
2011 963