Breytingar hafa orðið á ritstjórn Bændablaðsins en Þórdís Una Gunnarsdóttir er nýr auglýsingastjóri.

 

Þórdís Una kemur klyfjuð reynslu inn í starfsmannahóp blaðsins en hún hefur unnið í 26 ár innan auglýsinga- og markaðsgeirans, síðast sem auglýsingastjóri hjá Birtingi útgáfufélagi.

 

Þórdís Una hefur aðsetur í Bændahöllinni á skrifstofum Bændasamtakanna. Netfangið hennar er thordis@bondi.is.

 

Guðrún Hulda Pálsdóttir, fráfarandi auglýsingastjóri, mun færa sig um set inni á ritstjórn blaðsins og einbeita sér að efnis­öflun, greinaskrifum og hlaðvarpsgerð.