Um BÍ
Búgreinadeildir
Málaflokkar
Til baka
Um Alifuglabændur
Upplýsingar
Kolefnisspor
Til baka
Til baka
Um Hross BÍ
Fræðsla
FHB
Til baka
Um NautBÍ
Upplýsingar
LK
Til baka
Sauðfjárbændur
Upplýsingar
Til baka
Starfið
Stjórnsýsla
Til baka

Notkun á kyngreindu sæði eykst um þriðjung í Danmörku

05.08.2014

Notkun danskra kúabænda á kyngreindu sæði hefur aukist um 34% síðan 2012, að því er fram kemur í vefmiðli dönsku bændasamtakanna, www.foodculture.dk.  Tækninni við kyngreininguna hefur fleygt fram, auk þess sem verðið á kyngreinda sæðinu hefur lækkað.  

 

 

 

Samhliða þessu hefur notkun á holdanautasæði aukist um 33%, en kyngreint sæði, sem tryggir (í ca. 90% tilfella) að bændur fá kvígukálfa undan bestu mjólkurkúnum, veitir þeim verulega aukið svigrúm til þess að sæða lakari hluta kúnna með holdanautasæði. Þessi leið er sérstaklega vinsæl meðal kúabænda sem búa með Jersey kýr, en ekki þykir borga sig að ala nautkálfana af því kyni til slátrunar. Þeim er því alla jafna slátrað nýfæddum og fleygt.

 

Foodculture.dk ræddi við Niels Jørgen Pedersen, sem hefur hagnýtt sér kyngreint sæði með miklum árangri. Hann er sérstaklega ánægður með að þurfa ekki lengur að aflífa nautkálfana. Í stað þess elur hann holdablendinga til kjötframleiðslu. Þá skipti einnig miklu máli að eiga nóg af kvígum á hverjum tíma, undan bestu kúnum.

 

Einnig er rætt við Mogens Vestergaard, deildarstjóra við Kvægbrugets ForsøgsCenter, sem bendir á að til að nýta kosti kyngreinda sæðisins sem best og viðhalda góðri frjósemi, verði að nota það með markvissum hætti, t.d. á kvígur og yngri kýr./BHB

 

Frétt FoodCulture um kyngreint sæði