Við minnum notendur Fjárvís á að taka þátt í notendakönnun Fjárvís sem RML stendur fyrir. Könnunin er unnin í samvinnu við fagráð í sauðfjárrækt en með henni er vonast til að fá betri yfirsýn yfir notkun bænda á forritinu og hvaða áherslur þeir vilja sjá varðandi áframhaldandi þróun á því.

Könnunin er aðgengileg öllum bændum sem eru með virkan aðgang að Fjárvís. Til að komast í að svara könnuninni þarf einfaldlega að skrá sig inn í Fjárvís og smella á hlekk sem er á forsíðunni. Könnunin er aðeins aðgengileg þeim sem hafa virkan aðgang að Fjárvís. Ef fleiri en einn aðili koma að notkun kerfisins fyrir sama bú þá er ekkert sem hindrar að þeir aðilar taki þátt í könnuninni. 

Könnunin verður opin til miðnættis 21. febrúar og hvetjum við alla Fjárvísnotendur til að taka þátt og aðstoða RML við að gera forritið betra.